Прэзентацыя кнігі "Мэстэчкі Беларусі..."

12 лютага на факультэце гісторыі і сацыялогіі ГрДУ ім. Я. Купалы адбылася прэзентацыя кнігі кандыдата гістарычных навук, дацэнта кафедры гісторыі Беларусі Іны Валер'еўны Соркінай на тэму "Мястэчкі Беларусі ў канцы XVIII - першай палове ХІХ ст.". Кніга толькі што выйшла з-пад друкарскага варштата ў Вільні. Гэта першае ў Беларусі спецыяльнае комплекснае даследаванне, прысвечанае такому тыпу населеных пунктаў, які з'яўляецца пераходным ад горада да вёскі. Аўтар раскрывае феномен беларускага мястэчка як месца ўзаемадзеяння розных этнасаў, культур, рэлігій. Кніга - плён шматгадовай працы Інны Соркінай. Толькі спіс літаратуры займае каля 25 старонак. Прапрацаваны шматлікія архівы Беларусі і суседніх краін. Кнігу дапаўняюць унікальныя картаграфічныя матэрыялы і ілюстрацыі.
Гэта кніга разам з усімі папярэднімі навуковымі працамі І. Соркінай уводзіць яе ў кола буйных беларускіх спецыялістаў па ўрбаністыцы, вядомых і прызнаных на Радзіме і за мяжой.